X’inhu IdeAzzjonisti?
IdeAzzjonisti huwa programm għaż-żgħażagħ bejn 14 u 18-il sena li jixtiequ jipparteċipaw fil-komunitajiet tagħhom bħala ċittadini attivi. Tul dan il-programm huma jirċievu taħriġ, jagħmlu riċerka u bħala IdeAzzjonisti jippreżentaw l-ideat u x-xogħol tagħhom lill-komunita’ fuq it-tema magħżula.
Għal min jappella?
Żgħażagħ bejn 14 u 18-il sena li jkunu fi grupi ta’ 4-6.
X’INHUMA L-BENEFIĊĊJI?
Jekk tipparteċipa, inti se tkun tista’:
- Tirċievi taħriġ relatat ma’ ħiliet ta’ edukazzjoni ċivika, għaldaqstant, tkun tista’ tipparteċipa bħala ċittadin attiv fil-komunita’ tiegħek
- Titgħallem taħdem b’mod interġenerazzjonali
- Tiżviluppa interess fil-ħajja tal-komunita’ tiegħek, titgħallem aktar dwar l-isfidi u l-opportunitajiet li toffri l-komunita’, u fl-istess ħin tkun kapaċi tipproponi modi ta’ konservazzjoni u titjib
- Tirrifletti fuq l-komunita’ tiegħek, fl-elementi kollha fiżiċi, interġenerazzjonali, soċjali u kulturali li jsawwruha u fuq kif dawn jistgħu jħallu impatt fuqek bħala membru fil-komunita’
- Tikseb ħiliet ta’ tmexxija filwaqt li jkollok l-opportunita’ li tqiegħed dawn l-kompetenzi għas-servizz tas-soċjeta’
KIF NISTA’ NKUN PARTI MINN DAN IL-PROGRAMM?
L-applikazzjonijiet bħalissa huma magħluqa