Aġenzija Żgħażagħ kisbet il-Premju tal-Kwalità.

Il-Premju tal-Kwalità huwa distinzjoni mogħtija lil dipartimenti u entitajiet fi ħdan l-Amministrazzjoni Pubblika, li l-kunsinna tas-servizz tagħhom lill-klijenti tilħaq dawk l-istandards ta’ servizz definiti permezz tal-4 Pilastri (vuċi u fehim tal-klijent, disinn u implimentazzjoni ta’ politiki u servizzi li jissodisfaw l-aspettattivi tal-klijenti, twassil ta’ servizz ta’ kwalità u responsabbiltà, fejn in-nies isiru parti mill-eċċellenza tas-servizz ipprovdut), l-10 Determinanti tas-Servizz ta’ Kwalità kif definiti mill-mudell ta’ kwalità SERVQUAL (Affidabbiltà, Reazzjoni, Kompetenza, Aċċess, Korteżija, Komunikazzjoni, Kredibbiltà, Sigurtà, Fehim/Tgħarraf lill-Klijent u Tanġibbli), Direttiva 4-1 u kwalunkwe direttiva jew politika oħra li tistabbilixxi standards ta’ kwalità fi ħdan l-Amministrazzjoni Pubblika.

Il-verżjoni bl-Ingliż ta’ ‘The Aġenzija Żgħażagħ Service Charter’ tista’ titniżżel minn hawn, u l-verżjoni bil-Malti tista’ titniżżel minn hawn.

Bil-kisba tal-Premju tal-Kwalità, Aġenzija Żgħażagħ timpenja ruħha li tiżgura monitoraġġ kontinwu tal-istandards bil-għan li jinżamm il-Premju tal-Kwalità.

Aktar informazzjoni dwar il-Premju tal-Kwalità tista’ tiġi aċċessata minn hawn​.