Is-Servizz ta’ Youth Work fin-Nofsinhar ta’ Malta

Fin-Nofsinhar ta’ Malta, d-detached youth work  jiġi mwettaq madwar iż-żoni tal-Kottonera u l-Kalkara, Żejtun u f’Birzebbugia. Fiż-żoni kollha jkun hemm tim ta’ ħaddiema għaż-żgħażagħ li jmorru madwar darbtejn fil-ġimgħa u jiltaqgħu maż-żgħażagħ fit-toroq. Iż-żgħażagħ jkollhom ċ-ċans li jiddiskutu magħhom u f’okkażjonijiet jiġu infurmati mill-ħaddiema għaż-żgħażagħ stess, dwar kwistjonijiet u opportunitajiet differenti li huma ta’ interess għalijom.  Barra minn hekk, f’okkażjonijiet differenti l-ħaddiema għaż-żgħażagħ jgħinu liż-żgħażagħ fuq bażi one-to-one  dwar kwistjonijiet relatati mal-impjieg, xogħol tal-iskola u riferiment għal servizzi oħra. Permezz ta’ detached youth work , l-Aġenzija Żgħażagħ tkun tista’ toħloq rabtiet mal-komunità u tidħol għall-proġetti differenti. Żewġ inizjattivi riċenti bl-għan li jpffru appoġġ liż-żgħażagħ kienu l-iSkate Park ta ’Birżebbuġa kif ukoll li nsegwu liż-żgħażagħ li ngħaqdu f’wieħed mill-klabbs tal-futbol lokali fiż-żona.