X’inhu MEP?
Il-Mudell tal-Parlament Ewropew huwa simulazzjoni tal-Parlament Ewropew għal żgħażagħ ta’ 16-19-il sena li ilha taħdem mill-1994. Is-sessjonijiet Mudell tal-Parlament Ewropew jistgħu jsiru fuq livelli nazzjonali, reġjonali u internazzjonali. Madwar 30 pajjiż huma eliġibbli biex jipparteċipaw f’sessjonijiet internazzjonali, filwaqt li sessjonijiet ewroreġjonali li jinvolvu madwar 10 pajjiżi għal kull sessjoni reġjonali, huma ġeneralment organizzati biex jagħtu lid-delegati opportunità għal aktar esponiment. Bħala l-koordinatur nazzjonali tal-MEP Europe f’Malta, l-Aġenzija Żgħażagħ torganizza sessjonijiet nazzjonali biex tipprepara delegati Maltin biex jieħdu sehem f’sessjonijiet internazzjonali li jsiru f’destinazzjonijiet Ewropej differenti kull 6 xhur.
Żgħażagħ ta’ bejn is-16 u d-19-il sena jistgħu jipparteċipaw f’MEP. L-Aġenzija Żgħażagħ torganizza s-sessjonijiet nazzjonali li matulhom l-Aġenzija tagħżel żewġ (2) delegazzjonijiet biex jirrappreżentaw lil Malta f` Marzu u Novembru 2024 waqt is-sessjonijiet Internazzjonali tal-MEP.
Matul l-Għażliet Nazzjonali ta’ Jannar 2024, l-aħjar skola ġenerali aġġudikata se tkun id-delegazzjoni li tipparteċipa fis-sessjoni Internazzjonali ta’ Marzu 2024 f` Tartu, l-Estonja. Id-delegazzjoni ta’ Novembru 2024 li tattendi s-sessjoni Internazzjonali f` Ateni, l-Grecja se tkun komposta mill-aqwa ħames delegati mill-iskejjel parteċipanti l-oħra.
Il-Mudell tal-Parlament Ewropew huwa l-post għal ideat taż-żgħażagħ, il-forum għad-demokrazija taż-żgħażagħ u l-parlamentariżmu, u l-post għal dawk li jieħdu d-deċiżjonijiet futuri. Dan jagħtik l-opportunità li teċċella fit-taħdit fil-pubbliku, fid-dibattitu, fil-lobbying, fil-kitba ta’ riżoluzzjonijiet, li taħdem f’tim, u aktar importanti, li tagħmel ħbieb ġodda..