X’inhu Demokrazija I.S.S.A?
Iċ-ċittadinanza attiva spiss tinftiehem f’termini ta’ votazzjoni f’elezzjonijiet lokali, ġenerali jew Ewropej. Għal xi studenti żgħażagħ dawn l-elementi jidhru xi ftit imbiegħda u ta’ inqas importanza peress li ma jistgħux jipparteċipaw direttament. Għaldaqstant is-sessjonijiet I.S.S.A. – Insahhu l-iSkola bi Studenti Attivi – għandhom l-għan li jesploraw kif dawn l-istudenti jistgħu jesperjenzaw ċittadinanza attiva fl-imedjat. Dawn is-sessjonijiet jippreżentawlhom modi li permezz tagħhom jistgħu fil-fatt jikkontribwixxu matul ir-rutini tagħhom ta’ kuljum, kemm id-dar, l-iskola, fil-ħin liberu tagħhom u fil-komunitajiet tagħhom.
Għall-iskejjel Sekondarji
- It-Tmien Sena – Demokrazzija I.S.S.A.
- Id-Disa’ Sena – Nikkontribwixxi I.S.S.A
- L-Għaxar Sena – Kif Naħsiba I.S.S.A.
- Il-Hdax Sena – Nivvotta I.S.S.A.
Billi nipparteċipa se nkun naf aktar dwar:
- Kif jiġi elett il-kunsill tal-istudenti b’mod demokratiku
- Kif permezz tal-kunsill tal-istudenti nista’ nkun ċittadini attivi fl-iskola
- Kif f’demokrazija trid tinkudi lil kulħadd
X’inhu TeamWorth?
TemaWorth hija sessjoni ta’ team building indirizzata għall-istudenti tas-seba’ u t-tmien sena (Form 1 u Form 2) fl-iskola medja. Din is-sessjoni, mmexxija minn youth workers tal-Aġenzija Żgħażagħ, għandha l-għan li ssaħħah l-istima personali kif ukoll il-valur li wieħed jagħmel parti minn tim. Matul din is-sessjoni, l-istudenti ser jiffukaw fuq in-numru ta’ ħiliet li wieħed jikseb meta jaħdem fi grupp. Barra minn hekk, l-istudenti ser jesploraw kif dawn il-ħiliet jistgħu japplikawhom f’kuntesti bħall-iskola, fil-familja, mal-ħbieb jew waqt xi attivitatjiet oħra.
Miftuħ għall-iskejjel medji kollha:
Billi nipparteċipa:
- Se nsaħħah l-istima personali
- Se nitgħallem dwar il-ħiliet fundamentali li nista’ nikseb meta naħdem f’tim
- Se nitgħallem dwar il-komunikazzjoni interpersonali
X’inhu It’s My Choice?
It’s My Choice huwa programm għaż-żgħażagħ fl-iskejjel sekondarji li jiffoka fuq ir-relazzjoni ta’ kif wieħed jasal biex jieħu deċiżjoni kif ukoll dwar dawk l-kwistjonijiet u materji li l-aktar jolqtu lill-ġenerazzjoni żagħżugħa bħal sitwazzjonijiet stressanti, karrieri differenti u votazzjoni għall-ewwel darba.
Miftuħ għall-iskejjel sekondarji kollha.
It’s My Choice jikkonsisti fi tliet sessjonijiet
Billi nipparteċipa:
- Se nitgħallem kif se nevalwa l-għażliet
- Se nitgħallem aktar dwar kif nagħmel deċiżjonijijet nfurmati
- Se nitgħallem kif nibda nassumi r-responsabbiltà għall-għażliet tiegħi