X’inhu YOUNG PARLIAMENTARIANS?
Young Parliamentarians #ejjewniddibattu huwa programm edukattiv non-formali għall-studenti tad-9, l-10 u 11-il sena li jwassal għall-tournament ta’ dibattiti bejn skejjel differenti. Il-programm, maqsum f’ żewġ fażijiet u huwa mmexxi minn youth workers tal-Aġenzija Żgħażagħ. Matul l-ewwel fażi, permez ta’ numru ta’ sessjonijiet, il-parteċipanti jitgħallmu ħiliet ta’ kif jippreżentaw l-ideat tagħhom b’mod perswassiv, kif jirribattu argument u kif jiktbu rakkomandazzjonijiet fuq temi kurrenti. Uħud minn dawn it-temi se jintużaw fit-tieni fażi. L-isfida finali l-iskejjel differenti jiffurmaw timijiet u jipparteċipaw f’tournament magħmula minn numru ta’ dibattiti. It-tim rebbieħ jirċievi t-trofew ta’ Young Parliamentarians u s-somma sabiħa ta’ €750 filwaqt li r-runner up jirċievi is-somma ta’ €250. Se jingħata wkoll trofew lill-aqwa dibatttur
Studenti tal-iskola medja li jattendu s-snin 9, 10 u 11 rispettivament huma eliġibbli biex jipparteċipaw f’dan il-programm wara li jiffurmaw tim ta’ 4-6 studenti.
Minbarra li wieħed jiggwadanja ħiliet fit-taħdit fil-pubbliku, qsim ta’ ideat, lobbying u dibattiti, wieħed ukoll iżid l-għarfien tiegħu dwar ċittadinanza responsabbli u wieħed ikun imħeġġeġ biex jieħu interess aktar attiv fil-proċess demokratiku.
L-applikazzjonijiet bħalissa huma magħluqa